काठमाडौं–  सागका स्वर्णधारी खेलाडी तथा तेक्वान्दोका प्रशिक्षक दीपक बिष्टले  काठमाडौं र पोखरामा हुने १३ औं दक्षिण एसियाली खेलकुद (साग) लाई ध्यानमा राख्न खेलाडीहरुलाई सुझाएका छन् ।

बन्दप्रशिक्षणमा रहेका खेलाडहरुलाई राष्ट्रिय खेलकुद परिषद् (राखेप)ले दशैं बिदा दिएसँगै उनले दशैं बिदामा पनि सागलाई ध्यानमा राख्न खेलाडीहरुलाई सुझाएका हुन् ।

मंसिर (१५–२४) गतेसम्म हुने सागका लागि २८ वटा खेलका खेलाडी बन्द प्रक्षिणमा थिए । अहिले उनीहरु दशैंका लागि विदामा छन् । राखेपले उनीहरुलाई ५ दिनको बिदा दिएको छ । राखेपले अधिकांश खेलका खेलाडीलाई २४ गतेदेखि अभ्यासमा फर्किन समेत निर्देशन दिएको छ ।

२ महिनाभन्दा लामो समय बन्द प्रशिक्षणमा रहेका कही खेलाडी दशैं मनाउन घर गइसकेका छन् भने केही जाँदैछन् । कतिपय खेलाडी सागकै कारण घर नगइ काठमाडौंमै बस्ने योजनामा छन् ।

चाडपर्वमा खेलाडीहरुलाई कसरी फिट रहन सकिन्छ भनेर खबरहबले ओलम्पियन तथा सागका स्वर्णधारी खेलाडी तथा तेक्वान्दोका प्रशिक्षक दीपक बिष्टसँग गरेको कुराकानीमा उनले खेलाडीहरुलाई यस्तो सुझाए–

–खानपीनलाई ध्यान दिने
–धेरै चिल्लो पिरो नखाने
–शरीरालाई रेष्ट दिने
–साग आफ्नो लक्ष्य हो भन्ने कुरा नबिर्सने
–बन्द प्रशिक्षणमा रहँदा जस्तो अभ्यास गरिरहेको छ त्यसलाई ‘लाइट’ भएपनि दैनिक गरिरहने
–चाडभन्दा पनि देशले सहभागिता जनाउन लागेको साग ठूलो हो भन्ने मनन सबै खेलाडीले गर्ने
–दशैंका दिन पनि बिहान उठेर दौडने पसिना निकाल्ने गरि अभ्यास गर्ने
–अनुसाशन बिर्सनु नबिर्सिने ।