काठमाडौं – आईएनआई सिनेमाज चेन अन्तर्गतका हलहरुमा व्यवसायिक शोमा क्यामेरा र बुम प्रतिप्रबन्ध लगाएको छ । आइएनआईले बुधबार प्रेस विज्ञप्ति जारी गरी यसबारेमा जानकारी दिएको हो ।

व्यवासायिक शोहरुमा फिल्मका कलाकारहरु पत्रकार र युट्युबरहरुको साथमा हल भिजिटमा पुग्ने र दर्शकको प्रतिक्रिया खिच्ने प्रवृति पछिल्लो समय मौलाएको छ ।

यसरी हलमा क्यामेरा पुग्दा आफूहरुको गोपनीयता भंग भएको दर्शकहरुको गुनासो पछिल्लो समय बढ्न थालेको छ । आईएनआई व्यवसायिक शोमा क्यामेरा प्रतिबन्धको कारण यो पनि देखिएको छ ।

फिल्मसँग सम्बन्धि विभिन्न प्रश्न सोध्दा दर्शकले फिल्म हेर्न बाधा पुगेको गुनासो गरेका कारण पनि यो निर्णय गरिएको आईएनआईको दाबी छ ।

आईएनआई चेनका गोँगबु, बानेश्वर, विश्वज्योति, बुटवल र सिमराका चार हलमा यो प्रतिबन्ध लागु हुनेछ ।