काठमाडौं– भाद्र शुक्ल पञ्चमीका दिन मनाइने ऋषि पञ्चमी पर्व नेपाली नारीहरूले अरुन्धतीसहित सप्तऋषिको पूजाआराधना गरी मनाएका छन् ।
महिलाहरूले आज बिहान सबेरै उठी स्नान गरेर मङ्गलबारको हरितालिका व्रत समापनका लागि गोदान, पूर्णपात्रलगायत धार्मिक कृत्य गरी नजिकको नदी, खोला, ताल, तलैया र पोखरीमा गई ३६५ वटा दत्तिवनले दाँत माझ्ने, गाईको गोबर, माटो र खरानी लगाई स्नान गर्दछन् ।
आज पशुपतिस्थित गुहेश्वरी गौरीघाट र टेकुस्थित ऋषेश्वर मन्दिरमा महिला श्रद्धालुहरूको भीड लागेको छ । काठमाडौं उपत्यका लगायत देशका विभिन्न भागमा वर्षाको पर्वाह नगरी महिलाहरू पूजाआजामा व्यस्त छन् ।
तस्बिर : नेपाल फोटो लाइब्रेरी र रासस
प्रतिक्रिया