त्रिशूली डाँडामा बस दुर्घटना, ३० घाइते

१७ आश्विन २०७६, शुक्रबार

पढ्न लाग्ने समय : < 1 मिनेट

पोखरा– पोखरा महानगरपालिका–३१ बेगनासको त्रिशूली डाँडामा बस दुर्घटना भएको छ ।

बेगनासबाट पोखरा आउँदै गरेको ग१ख ४७७१ नंको बस सडकबाट झण्डै ६० फिट तल खसेको हो ।

इलाका प्रहरी कार्यालय शिशुवाका प्रमुख मोहन खाँणका अनुसार दुर्घटनाबाट बसमा सवार करीब ३० जना यात्रु घाइते भएका छन् ।

घाइतेलाई पोखराका विभिन्न अस्पतालमा उपचारका लागि लगिसकिएको छ । दुर्घटनाबारे थप अनुसन्धान भइरहेको प्रहरीले जनाएको छ ।

प्रकाशित मिति : १७ आश्विन २०७६, शुक्रबार १ : ४५ बजे

प्रतिक्रिया