काठमाडौं– भन्सार विभागले चालु आर्थिक वर्ष २०८२/८३ को एक महिना (साउन) को आयात निर्यातको तथ्यांक सार्वजनिक भएको छ । सार्वजनिक गरेको तथ्यांक मध्ये सबैभन्दा बढी भारतमा निर्यात भएको छ ।
 
एक महिनाको अवधिमा भारतमा मात्र १९ अर्ब ४५ करोड २० लाख ५० हजार रुपैयाँ बारबारको निर्यात भएको छ । दोस्रोमा संयुक्त राज्य अमेरिकामा १ अर्ब ५४ करोड ९ लाख ८८ हजार रुपैयाँ निर्यात भएको छ । 

त्यस्तै, जर्मनीमा ४२ करोड ९८ लाख, युनाइटेड किंगडममा २८ करोड ९० लाख, संयुक्त अरब इमिरेट्स (युएइ)मा २० करोड २६ लाख, जापानमा १९ करोड २ लाख, अस्ट्रेलियामा १६ करोड ३७ लाख र फ्रान्समा १५ करोड ४२ लाख रुपैयाँ बराबरको निर्यात भएको छ । 

साथै, इटालीमा १५ करोड ३३ लाख, क्यानडामा १४ करोड १२ लाखको र नेदरल्याण्ड्समा ११ करोड १५ लाख रुपैयाँ बारबारको निर्यात भएको विभागको तथ्यांकमा उल्लेख छ ।