गण्डकी– पोखरा महानगरपालिका–१७ घारीपाटनमा रहेको शुभकामना आमा समूहले क्यान्सरपीडित सदस्यलाई आर्थिक सहयोग गरेको छ ।
समूहको २३औँ वार्षिक साधारणसभा तथा हरितालिका तीजका अवसरमा आयोजित तीज विशेष कार्यक्रममा शुक्रबार चार जना क्यान्सरपीडितलाई आर्थिक सहयोग गरेको हो । उनीहरूलाई जनही २५ हजार रुपैयाँका दरले एक लाख रुपैयाँ सहयोग गरिएको हो ।
कार्यक्रममा समूहका ज्येष्ठ सदस्य, दश जोड दुई परीक्षा उत्तीर्ण छात्रछात्रा र समूहलाई आर्थिक सहयोग गर्नेलाई सम्मान गरिएको थियो । साधारणसभाले समूहका सचिव सिर्जना खनाल र कोषाध्यक्ष निरमाया क्षेत्रीले प्रस्तुत गरेको साङ्गठनिक र आर्थिक प्रतिवेदन पारित गरेको छ ।
प्रतिक्रिया