काठमाडौं– पाकिस्तानको राजधानी इस्लामावादमा आपराधिक घटना बढ्दै गएको पाइएको छ । पछिल्लो एक सातामा मात्रै राजधानी शहरमा चोरी, डकैती, लुटपाट, हत्याजस्ता आपराधिक घटना भएका छन् ।

बिजनेस रेकर्डरका अनुसार शहरको कराँची कम्पनी, औद्योगिक क्षेत्र, कारल, हुमक, अबपारा, कोशरजस्ता क्षेत्रमा यस्ता घटना भएका छन् । यी क्षेत्रमा आपराधिक गिरोहको सक्रियता पनि उच्च रहेको जनाइएको छ ।

केही दिनअघि ई–११÷२ क्षेत्रमा दुई जना प्रहरी नै अपराधिक घटनाको शिकार भएका थिए । सो स्थानमा १५–२० जना अपराधीले दुई जना प्रहरीलाई आक्रमण गरी केही समयका लागि बन्धक बनाएका थिए ।

पछिल्लो सयम पाकिस्तान प्रहरीले सडकमा सर्भेलन्स क्यामेरा जडान गरेको छ । त्यसबाहेक सुरक्षा व्यवस्थाका लागि प्रहरीको गस्ती पनि गरिरहेको छ ।

प्रहरीको चुस्तताका बावजुद आपराधिक घटनामा कमी नआएको भन्दै स्थानीयहरु आक्रोशित भएका छन् ।