काठमाडौं– भारतको पर्यटन क्षेत्रको तीव्र गतिमा विस्तार भइरहेको छ । सन् २०२८ सम्म भारतले पर्यटन क्षेत्रबाट ५ लाख १२ हजार ३ सय ५६ भारतीय रुपैयाँ अर्थात् ५९ अर्ब अमेरिकी डलर आम्दानी गर्ने अपेक्षा गरिएको छ ।

क्यापिटल माइन्ड पीएमएसले जारी गरेको प्रतिवेदनमा भारतको आन्तरिक पर्यटन सन् २०२४ देखि सन् २०२८ सम्म दोब्बरले वृद्धि हुने जनाइएको छ । सन् २०२४ मा भारतको आन्तरिक पर्यटन क्षेत्रको बजार २ अर्ब ५० करोड डलर रहेको छ ।

सन् २०२८ सम्म यो दोब्बरभन्दा धेरैले बढेर ५ अर्ब २० करोड डलर हुनेछ । यसअनुसार हरेक वर्ष यो क्षेत्र १३.४ प्रतिशतले वृद्धि हुनेछ ।

त्यसैगरी, आन्तरिक उडान पनि सन् २०३० सम्म दोब्बरले वृद्धि हुने अपेक्षा छ । आन्तरिक उडान भर्ने यात्रुको सङ्ख्या सन् २०२४ मा ३० करोड ७० लाख रहेकोमा सन् २०३० मा दोब्बरभन्दा धेरैले बढेर ६९ करोड ३० लाख पुग्नेछ ।