काठमाडौं – असोज ३ बाट प्रदर्शनमा आउन लागेको फिल्म ‘जारी २’सँगको सहकार्यमा गायिका झुमा लिम्बूले नेपालका विभिन्न १० सहरमा कन्सर्ट गर्ने भएकी छन् ।

झुमाको ब्यान्ड ‘झुमा लिम्बू एन्ड दी रैथाने ब्यान्ड’ले ‘रैथाने घुमफिर कन्सर्ट २०८२’ अन्तर्गत रहेर विभिन्न सहरमा लाइभ प्रस्तुती दिन लागेको हो ।

झुमाले ललितपुरमा शुक्रबार पत्रकार सम्मेलन गरेर यसबारे जानकारी दिएकी हुन् । यो टुरको सुरुवात भदौ २१ देखि काठमाडौंबाट सुरु हुने उनले बताइन् ।

पहिलो प्रस्तुती काठमाडौंस्थित एलओडी क्लबमा दिने तय भएको छ। त्यहाँ च्याब्रुङ नाचसमेत हुनेछ ।

बाँकी ९ शहरको कार्यक्रम स्थल टुंगो लाग्न बाँकी रहेको छ । सामाजिक सञ्जालबाट यसको जानकारी दिइने उनले बताइन् ।

यही कार्यक्रममार्फत् स्थानीय कलकार संस्कृति र गीत–संगीतलाई प्रवर्द्धन गर्ने झुमाको योजना छ । उनले भनिन्, ‘जुन ठाउँमा कन्सर्टको आयोजना हुनेछ, त्यहाँको स्थानिय कला संस्कृति र गीत संगीतलाई विशेष प्राथामिकतामा राखिनेछ ।’

यो वर्ष भने नेपालका विभिन्न स्थानमा संगीतिक टुर गर्ने योजनमा उनी छिन् । अर्को वर्ष भने विदेशमा रहेका दर्शक श्रोतासँग भेट गर्ने योजना रहेको उनले सुनाइन् ।