काठमाडौं – केदार घिमिरे ‘माग्ने बूढा’ शीर्ष भूमिकामा रहेको फिल्म ‘माग्ने राजा’ उच्च शोसहित प्रदर्शनमा आउने भएको छ ।

भदौ ६ गते अर्थात् अगस्ट २२ देखि यो फिल्म अस्ट्रेलियाका विभिन्न सहरमा प्रदर्शनमा आउँदै छ ।

अस्ट्रेलियाको प्रदर्शन अधिकार लिएका थ्रीकेजी इभेन्ट र दृश्य इन्टरटेन्मेन्टका अनुसार त्यहाँ २५ हलमा यो फिल्म प्रदर्शनमा आउँदै छ । यो फिल्मको बुकिङ खुला भइसकेको छ ।

थ्रीकेजीका गोविन्द भण्डारीका अनुसार यो फिल्म एक सयभन्दा बढी शोका साथ प्रदर्शनमा आउँदैछ ।

यो फिल्ममा केदारसहित वर्षा सिवाकोटी, विल्सनविक्रम राई, शिशिर वाङ्देल, शारदा गिरीलगायत शीर्ष भूमिकामा छन् ।

ऋषि लामिाछानेका निर्देशनमा बनेको यस फिल्मको निर्माता मुनाल घिमिरे हुन् । लेखक सामीप्यराज तिमल्सेना हुन् ।