काठमाडौं- भारत सरकारले विश्व व्यापारमा आफ्नो हिस्सा बढाउन २० हजार करोड भारुको निर्यात प्रवर्द्धन अभियान सञ्चालन गर्ने भएको छ । अमेरिकी भन्सार महशुल वृद्धिको सम्भावित प्रभावलाई कम गर्नका लागि भारतले यस्तो कदम चालेको हो ।

यस अभियानले भारतको निर्यातलाई थप सशक्त बनाउन र अन्तर्राष्ट्रिय बजारमा प्रतिस्पर्धात्म क्षमता बढाउन विशेष भूमिका खेल्ने अपेक्षा गरिएको छ । यो अभियानले विशेषगरी साना तथा मझौला उद्यम (एसएमई) लाई सहयोग पु¥याउनेछ ।

भारतीय आर्थिक अखबार इकोनोमिक टाइम्सका अनुसार यस्ता उद्यमलाई नयाँ बजारको पहिचान गर्न, उत्पादनको गुणस्तर सुधार गर्न र डिजिटल प्लेटफर्मको उपयोग मार्फत निर्यात वृद्धि गर्न मद्दत गर्ने जनाइएको छ ।

यस अभियानले कपडा, कृषि उत्पादन र प्रविधिजस्ता भारतको प्रमुख निर्यात क्षेत्रलाई विशेष प्राथमिकतामा राख्ने छ ।