काठमाडौं – आजबाट लागू हुनेगरी वाणिज्य बैंकमा मुद्दतीतर्फको औसत ब्याजदर घटेको छ।सातवटा बैंकले व्यक्तिगततर्फ र सातवटाले संस्थागततर्फको ब्याजदर कटौती गरेसँगै वाणिज्य बैंकमा मुद्दतीतर्फको औसत ब्याजदर घट्न पुगेको हो ।

भदौ महिनामा कृषि विकास, एभरेष्ट, कुमारी, नेपाल एसबीआई, स्टान्डर्ड चार्टर्ड, सिद्धार्थ र सानिमा बैंकले व्यक्तिगत मुद्दतीतर्फको ब्याजदर घटाएका छन्।

कृषि विकास, एभरेष्ट, नेपाल एसबीआई, लक्ष्मी सनराइज, स्टान्डर्ड चाटर्ड, सिद्धार्थ र नबिल बैंकले संस्थागत मुद्दतितर्फको ब्याजदर घटाएका छन् ।

साउन महिनामा वाणिज्य बैंकमा व्यक्तिगत मुद्दतीतर्फको औसत ब्याजदर ५.७५ र संस्थागततर्फको मुद्दतीमा ४.११ प्रतिशत औसत ब्याजदर रहेकोमा भदौ महिनामा केही विन्दुले घटेर क्रमशः ५.५८ र ३.९६ प्रतिशत कायम भएको छ ।

भदौ महिनाका लागि व्यक्तिगत मुद्दतीतर्फ सबैभन्दा धेरै एनआईसी एसियाले ६.२५ र सबैभन्दा कम लक्ष्मी सनराईजले ५ प्रतिशत कायम गरेका छन्।

त्यस्तै, संस्थागत मुद्दतीतर्फ सबैभन्दा धेरै ५.२५ र सबैभन्दा कम स्टान्डर्ड चार्टर्डले २.७५ प्रतिशत कायम गरेका छन्।