काठमाडौं- नेपाल कम्युनिष्ट पार्टी (एकीकृत समाजवादी)को सचिवालय बैठकले वामदेव गौतमलाई तेस्रो वरीयताक्रमका वरिष्ठ नेता बनाएको छ। बिहीबार आलोकनगरस्थित पार्टी केन्द्रीय कार्यालयमा अध्यक्ष माधवकुमार नेपालको अध्यक्षतामा बसेको बैठकले तीन जनालाई पोलिटब्युरो सदस्य र नौ जनालाई केन्द्रीय सदस्यको जिम्मेवारी दिने निर्णय गरेको हो।

गौतमले बैठकमा सहभागी भएर सचिवालय सदस्यको शपथ ग्रहण गरेका छन्। बैठकले उनलाई केन्द्रीय विभागहरूको संयोजन गर्ने जिम्मेवारी तोकेको छ भने रुपन्देही–३ उपनिर्वाचनका लागि पाँच सदस्यीय कार्यदल गठन गरेको छ।

बैठकले शिक्षा, संघीय निजामति सेवा, भूमि, मिडिया तथा किसानसँग सम्बन्धित मुद्दामा सरकारको ध्यानाकर्षण गराउँदै बाढी, पहिरो, खडेरी र भूकम्प पीडितलाई राहत तथा पुनःस्थापना गर्न माग गरेको छ।