काठमाडौं – अस्ट्रेलियामा जारी टप एन्ड टी–२० सिरिजमा नेपाल घरेलु टोली नर्दर्न टेरिटोरी स्ट्राइकसँग ४२ रनले पराजित भएको छ। १७८ रनको लक्ष्य पछ्याउँदै ब्याटिङमा उत्रिएको नेपाल २० ओभरमा ८ विकेट गुमाउँदै १३५ रनमा रोकियो।

नेपालका ओपनर फेरि निराशाजनक रहे। कुसल भुर्तेल ८, आसिफ शेख ११ र लोकेश बम शून्य रनमा आउट भए। कप्तान रोहित पौडेलले २३, कुशल मल्लले ३४, दीपेन्द्र सिंह ऐरीले १९ र गुल्शन झाले २६ रनको योगदान दिए। सोमपाल कामी १ रनमै आउट हुँदा रुपेश सिंह ८ तथा सन्दीप लामिछाने २ रनमा नटआउट रहे। बलिङतर्फ म्याट ह्यामन्डले ३ विकेट लिँदा थोमस एन्ड्रयूज र केन रिचडेसनले २–२ विकेट हात पारे।

यसअघि टस जितेर फिल्डिङ रोजेको नेपालले नर्दर्न टेरिटोरीलाई २० ओभरमा ८ विकेटमा १७७ रनमै सीमित पारेको थियो। डिआर्सी सर्टले ३४ बलमा ७ चौका र १ छक्कासहित ५१ रन बनाए।

थोमस एन्ड्रयूजले ३२, जोर्डन सिल्कले १९, कोनर क्यारोलले १८ र क्याडेल म्याकमोहनले १२ रन जोडे। नेपालका लागि सन्दीप लामिछानेले ३, साहब आलमले २ तथा रुपेश सिंह, दीपेन्द्र सिंह ऐरी र रोहित पौडेलले समान एक–एक विकेट लिए।