नुवाकोट– बडादशैँलाई लक्षित गर्दै नुवाकोटको विदुर नगरपालिका वडा नम्बर–७ मा लगाइएको वृहत खसी बजार मेलामा सम्पन्न भएको छ ।

अघिल्ला वर्षहरुमा जस्तो यस वर्षको मेलामा भने खसी बिक्री नभएको किसानहरुले बताए । मेलामा ३ सय बढी खसी ल्याइएकोमा १ सय ७० वटा मात्र बिक्री भयो ।

मेलामा ३ सय भन्दा बढी खसी बजारमा ल्याइएको थियो । विगतका वर्षमा जस्तै तुप्चेको हाम्रो सहकारी संस्था लिमिटेडले खसी बजारको आयोजना गरेको थियो ।

मेलामा ल्याइएका सबै खसी बिक्री नभएपछि किसानसँग सहकारीले खरिद गरेको छ । मेलामा १७० खसी बिक्री भएको थियो । बाँकी खसी सबै सहकारीले खरिद गरेको बताइएको छ ।

दशैंमा तिब्बतबाट आउने भेडा–च्याङ्ग्राले नेपाली मुद्रा बाहिर लगेकोमा चिन्ता व्यक्त गर्दै तुप्चेको सहकारी संस्थाले बर्सेनि खसी मेलाको आयोजना गर्दै आएको हो ।

आयोजक हाम्रो सहकारी संस्थाका अध्यक्ष हरिप्रसाद रिजालले मेलाले कृषक र ग्राहक दुवैलाई फाइदा मिलेको र सरकारीले उनीहरुको बीचमा समन्वयमात्रै गराउन मेलाको आयोजना गरेको बताए ।