काठमाडौं– नेपाल बैंक लिमिटेडले गत आर्थिक वर्ष २०८१÷८२ को वित्तीय विवरण सार्वजनिक गरेको छ । बैंककले सार्वजनिक गरेको अपरिष्कृत वित्तीय विवरण अनुसार बैंकको खुद नाफा १३ हजार १७५.८९ प्रतिशतले बढेको छ । 

गत वर्ष बैंकले ३ अर्ब ७७ करोड ३० लाख रुपैयाँ खुद नाफा कमाएको छ । अघिल्लो वर्ष बैंकले २ करोड ८४ लाख रुपैयाँ मात्र खुद नाफा कमाएको थियो । 

बैंकको ब्याज आम्दानी १० अर्ब ८ करोड ७१ लाख रुपैयाँ रहेको छ । जुन अघिल्लो वर्षको तुलनामा १६.८२ प्रतिशतले बढी हो । 

बैंकको खराब कर्जा गत वर्ष ४.४७ प्रतिशत पुगेको छ । बैंकको प्रतिशेयर आम्दानी २५.४८ प्रतिशतले बढेर २५.६८ रुपैयाँ पुगेको छ भने बैंकको प्रतिशेयर नेटवर्थ २५९.८१ रुपैयाँ पुगेको छ । 

बैंकको चुक्ता पुँजी १४ अर्ब ६९ करोड ४० लाख रुपैयाँ रहेको छ । बैंकको जगेडा कोषमा २३ अर्ब ४८ करोड २९ लाख रुपैयाँ सञ्चित रहेको छ । 

बैंकले गत वर्ष ३ खर्ब ३२ अर्ब २ करोड १० लाख रुपैयाँ निक्षेप संकलन गरेको छ । बैंकले गत वर्ष २ खर्ब  २१ अर्ब ७० करोड ३४ लाख रुपैयाँ कर्जा लगानी गरेको छ ।