काठमाडौं– फिलिपिन्सका राष्ट्रपति फर्डिनान्ड मार्कोस जुनियरले भारतसँगको सम्बन्धलाई अझै मजबुत बनाउन प्रतिबद्ध रहेको बताएका छन् ।

हालै भारत भ्रमणमा आएका राष्ट्रपति मार्कोसले सम्बन्धलाई थप मजबुत र सहनशील बनाउन दुबै मुलुकले पहल गर्नुपर्ने उल्लेख गरेका छन् ।

भारतीय समाचार संस्था एएनआईका अनुसार राष्ट्रपति मार्कोसले विश्वबन्धु अर्थात् विश्वको साथीका रुपमा भारतको भूमिका अझै महत्वपूर्ण रहेको बताए ।

भारत भ्रमणका क्रममा आफूले प्रधानमन्त्री नरेन्द्र मोदीसँग भेटवार्ता गरेको स्मरण गर्दै राष्ट्रपति मार्कोसले आफ्नो मुलुक सदैव आतंकवादको विपक्षमा रहेको पनि उल्लेख गरे ।

भारतमा रहँदा आफूले रक्षा तथा व्यापारको क्षेत्रमा सहकार्यको चर्चा गरेको पनि मार्कोसले उल्लेख गरेका छन् । उनले दुबै मुलुकको लोकतान्त्रिक शासन पद्धतिको पनि प्रसंशा गरेका छन् ।