काठमाडौं – नायिका नीता ढुङ्गानको निर्देशनमा बन्ने भनिएको फिल्मको शीर्ष भूमिकामा कलाकार दीपाश्री निरौला अनुबन्ध भएकी छन् । दीपाश्री अनुबन्ध भएको निर्माण पक्षले बुधबार सार्वजनिक गरेको हो ।

केही महिना अगाडिदेखि फिल्ममा अनुबन्ध हुने मौखिक सहमतिलाई मंगलबार कागजी स्वरुप दिएको नीताले बताइन् ।

नीता र दीपालो फिल्म ‘६ एकान ६’मा सहकार्य गरेका थिए । उक्त फिल्मको निर्माता दीपाश्री थिइन् भने नायिका नीता थिइन् । त्यो टेलिभिजन छाडेर ‘छक्का पञ्जा’ टिमले बनाएको पहिलो फिल्म थियो ।

त्यसमा अभिनय गरेर नीताले गुन लगाएको दीपाको भनाइ छ । नीताले जस्तै आफूले पनि सहयोग गर्ने उनले बताइन् ।

‘६ एकान ६’ प्रदर्शनमा आएको ०७० सालमा प्रदर्शनमा आएको थियो । १२ वर्षपछि नीता र दीपाले सहकार्य गर्ने भएका हुन् । दीपा भन्छिन्, ‘१२ वर्षपछि खोला फर्किएको छ ।’

गत जनै पूर्णिमाको अवसर पारेर नीताले पार्वती निर्माणको घोषणा गरेकी थिइन् । अनाउन्समेन्ट पोस्टरमा नीता फिचर्ड छिन् । अर्थात्, फिल्ममा नीताको पनि अभिनय रहेनेछ ।

यो फिल्म नीताकै ब्यानर ‘नीता फिल्मस्’बाट बन्ने बताइएको छ । यसको कथा नीता आफ्नै हो भने पटकथा तथा संवाद शिवम् अधिकारीले लेखेका हुन् ।