एजेन्सी – क्यानडाको ओटावा शहरमा एक मुस्लिम महिलामाथि हमला भएपछि क्यानडाका प्रधानमन्त्री मार्क कार्नीले कडा चेतावनी दिएका छन्‌ । घृणा र हिंसा फैलाउनेहरूलाई आफ्नो देशमा कुनै ठाउँ रहेको भन्दै कार्नीले अपराधीमाथि कारबाही हुने बताएका हुन्‌ ।

विद्युतीय सामाजिक सञ्जाल एक्समा कार्नीले लेखेका छन्‌, ‘सोमबार एक बसमा यात्रारत मुस्लिम महिलामाथि हमला भएको छ । हमलाकारीले धम्की र गालीगलौज दिएको छ । यसका लागि अपराधीविरुद्ध कारबाही हुनुपर्छ ।’

पीडितप्रति आफूहरूको संवेदना रहेको बताउँदै कार्नीले आफ्नो देशमा काम र स्कूल जाने समयमा कोही पनि असुरक्षित नहुनुपर्ने जनाएका छन्‌ ।

क्यानडा मुस्लिम एसोसिएशनले आफ्नो फेसबुक पोस्टमा लेखेको छ, ‘मोर्गन ग्रान्ट क्षेत्रमा जाने बसमा ११ अगस्टका दिन एक महिलामाथि कुटपिट भएको छ । ती महिला हिजाब (टाउनको छोप्न मुस्लिम महिलाहरूले लगाउने पोशाक) मा थिइन्‌ ।’