काठमाडौं– जबरजस्ती करणी मुद्दामा कैद भुक्तान गरिरहेका एकजना कैदी सुनसरी कारागार कार्यालय झुम्काबाट फरार भएका छन् । 

खोटाङको दिप्रुङ चुईचुम्मा गाउँपालिका निवासी २८ वर्षीय रूपक पौडेल खत्री कारागारको पर्खाल चढेर मंगलबार राति फरार भएको सुनसरी प्रहरीले जनाएको छ ।

फरार भएका पौडेलको अहिले सशस्त्र प्रहरीको सुरक्षा बेस झुम्का र नेपाल प्रहरीको संयुक्त टोली खोजी गरिरहेको छ । तर अहिलेसम्म उनी भेटिएका छैनन् ।

कैदी भागेपछि अहिले सुनसरीस्थित प्रमुख जिल्ला अधिकारीसहित सुरक्षा अधिकारीहरूको बैठक बसिरहेको छ ।

यसअघि पनि उक्त कारागारबाट १२ जना कैदी फरार भएका थिए । त्यसबेला १२ जना कैदीहरू २०६९ कात्तिक २३ गते राति सुरुङ खनेर झुम्का कारागारबाट फरार भएका थिए ।