मुम्बई – बलिउड अभिनेत्री मृणाल ठाकुर र दक्षिण भारतीय सुपरस्टार धनुषको सम्बन्धबारे पहिलो पटक मृणालले औपचारिक रूपमा स्पष्ट पारेकी छिन्। सामाजिक सञ्जाल र मिडियामा उनीहरूको डेटिङको चर्चा चुलिरहेको बेला मृणालले पहिलो पटक यसबारे आफ्नो धारणा सार्वजनिक गरेकी हुन्।

ओनली कोलिउड को अन्तर्वार्तामा अभिनेत्री मृणाल ठाकुरले स्पष्ट पार्दै भनेकी छन्, “धनुष मेरो लागि केवल एक राम्रो साथी हुन्।”

फिल्म ‘सन अफ सरदार २’ को स्क्रिनिङ अघि मृणालले अभिनेता धनुषको आगामी फिल्म ‘तेरे इश्क में’ को र्याप पार्टीमा पनि सहभागिता जनाएकी थिइन्। यिनै घटनाले उनीहरूको नजिकतालाई थप चर्चा र उत्सुकताको केन्द्र बनाएको थियो। यी दुई कलाकारबीचको कुराकानी समेटिएका भिडियो पनि सामाजिक सञ्जालमा निकै भाइरल भएका थिए।

मृणालले धनुषकी बहिनीलाई इन्स्टाग्राममा फलो गरेपछि अफवाहमा अझै तातोपना थपिएको हो। धनुष १८ वर्ष लामो वैवाहिक जीवनपछि सन् २०२२ मा निर्देशक ऐश्वर्या राजिनीकान्तसँग अलग्गिएका छन् र उनीहरूको दुई छोराछोरी छन्।

धनुष र मृणाललाई बारम्बार एकै ठाउँमा देखिनु र धनुष फिल्म ‘सन अफ सरदार २’ को स्क्रिनिङमा उपस्थितिले फ्यान र मिडियाको ध्यान आकर्षित गरेको हो। नायिका मृणालले यसबारे प्रष्ट पार्दै भनिन्, “धनुष ‘सन अफ सरदार २’ मा अभिनेता अजये देवगनको निम्तोमा सहभागी भएको हो , यसलाई गलत अर्थ नलगाउनुस्।”

यसरी, मृणाल–धनुषको सम्बन्धलाई लिएर चर्चा र अफवाहले सामाजिक सञ्जालमा तातो विषय बनाएको छ।