काठमाडौं– नाडा अटोमोवाइल्स एशोसिएशन अफ नेपाल (नाडा) ले आयोजना गर्न लागेको नाडा अटो शो २०२५ को उद्घाटन प्रधानमन्त्री केपी ओलीले गर्ने भएका छन् ।

नाडाले अटो शो मा प्रमुख अतिथिको रूपमा उपस्थित भएर उद्घाटन गरिदिन गरेको निवेदनलाई प्रधानमन्त्री ओलीले स्वीकार गरेका हुन् ।

साउन २५ गते नाडाका अध्यक्ष करण चौधरीको नेतृत्वमा गएको प्रतिनिधि मण्डलले प्रधानमन्त्री ओलीसँग भेटेर भेटेर १७औँ संस्करणको नाडा अटो शो को विषयमा जानकारी गराउँदै उद्घाटनको लागि आग्रह गरेको थियो ।

नाडाले आगामी भदौ ३ गतेदेखि ८ गतेसम्म काठमाडौंको भृकुटीमण्डपमा आयोजना गर्न लागेको शो मा १२५ भन्दा बढी प्रदर्शक र ३० भन्दा बढी सवारी साधनका ब्रान्ड रहने जनाइएको छ ।

साथै, शो इलेक्ट्रिक, हाइब्रिड, स्मार्ट मोबिलिटी समाधानहरू, विन्टेज मोटर शो, युनट्री रोबट, दीपल इभोटल लगायत विषय प्रदर्शनको पनि केन्द्र रहने जनाइएको छ ।