काठमाडौं– अस्ट्रेलियाले प्यालेस्टाइनलाई स्वतन्त्र राष्ट्रका रूपमा मान्यता दिने तयारी गरेको छ । प्रधानमन्त्री एन्थनी अल्बानिजले आगामी सेप्टेम्बरमा संयुक्त राष्ट्र संघको महासभामा प्यालेस्टाइनलाई स्वतन्त्र राष्ट्रका रूपमा मान्यता दिइने घोषणा गरेका छन् । 

यसअघि ब्रिटेन, फ्रान्स र क्यानडाले प्यालेस्टाइनलाई स्वतन्त्र राष्ट्रका रूपमा मान्यता दिने बताइसकेको छन् । अल्बानिजले प्यालेस्टाइनी प्राधिकरण (पीए)ले सेना र हतियार कम गर्ने, आम चुनाव गर्ने र इजरायलको अस्तित्वलाई मान्यता दिने प्रतिवद्धता अस्ट्रेलियासँग गरेको बताएका छन् । 

‘दुई देशलाई मान्यता दिनु एक यस्तो समाधान हो, जो मध्य पूर्वमा हिंसा समाप्त गर्न र गाजामा संघर्ष, पीडा र भोकमरी समाप्त गर्ने मानवताको सबैभन्दा उत्तम आशा हो,’ उनले भनेका छन् । 

उता गाजामा युद्धविरामका लागि बढ्दो दबाबको सामना गरिरहेको इजरायलले प्यालेस्टाइनलाई मान्यता दिनु ‘आतंकवादलाई उपहार’ प्रदान गर्नु जस्तै भएको प्रतिक्रिया दिएको छ ।