काठमाडौं–कास्मिरको पुलवामा ४४ सुरक्षाकर्मी मारिएको १२ दिनपछि भारतीय वायुसेनाले पाकिस्तानमा बम वर्षा गराएको दाबी गरेको नयाँ पत्रिकामा खबर छ । यो घटनापछि भारतमा देशभर उत्सव मनाइएको छ ।

भारतीय वायुसेनाको प्रशंसा गरिएको छ । अनि सत्तापक्ष र प्रतिपक्षको एउटै स्वर छ । उनीहरु सडकमा राष्ट्रगान बजाउँदै नाचेका छन् । तर, पाकिस्तानले भारतीय वायुसेनाले जंगलमा बम विस्फोट गराएको दाबी गरेको छ । जंगलमा रुखलाई लक्षित गर्दै गरिएको विस्फोट भारतीय वायुसेनाले गराएको भन्दै पाकिस्तानले विचरा रुख आतंवादी होइनन भन्ने टिप्पणी गरेको छ ।

पौडेल र सिटौलाको चेतावनीपछि अनुशासन समिति गठन गर्न देउवा हच्किए शीर्षकको अर्को समाचारमा नेपाली कांग्रेसको केन्द्रीय समितिको बैठक अनिश्चितकालका लागि स्थगित भएको छ । पार्टीका बरिष्ठ नेता रामचन्द्र पौडेल र अर्का नेता कृष्णप्रसाद सिटौलाले बहिस्कार गरेपछि बैठक स्थगित भएको हो ।

सभापति शेरबहादुर देउवाले आफूहरुको सहमति बिना अनुशासन समिति गठन गर्न खोजेको भन्दै कांग्रेस नेताहरु विभाजित भएका थिए ।

त्यस्तै ६ माघमा संवैधानिक आयोगको अध्यक्षमा सिफारिस गरिएका समिम मियाँ अन्सारी १३ फागुनसम्म पार्टीकै केन्द्रीय सदस्य रहेको, १० फागुनको नेकपा सचिवालय बैठकले मियाँलाई नेकपा केन्द्रीय सदस्य र प्रतिनिधिसभा समानुपातिकको बन्दसूचीबाट नाम हटाउन पत्राचार गरेको थियो ।

संवैधानिक आयोगको अध्यक्षमा सिफारिस भएको एक महिना सात दिनपछि मात्र अन्सारीको पार्टी सदस्यबाट मुक्त हुने प्रक्रिया चलेको छ । संवैधानिक आयोगमा सिफारिस हुने कुनै पनि व्यक्ति पार्टीको सदस्य वा उम्मेद्वार हुन नहुने संवैधानिक व्यवस्था छ ।