काठमाडौं – नायिका नीता ढुङ्गानाको डेब्यू निर्देशन रहने फिल्म ‘सुख दुःख’मा भारतीय कलाकार दीपराज राणाको समेत अभिनय रहने भएको छ ।

निर्माण पक्षले शुक्रबार फिल्ममा दीराज अनुबन्ध भएको सार्वजनिक गरेको हो । फिल्ममा उनको भूमिका कस्तो रहनेबारे निर्माण पक्षले खुलाएको छैन ।

दीपकराज बलिउड फिल्ममा सहायक भूमिकामा रुचाइएका कलाकार हुन् । उनले सन् २००२ मा प्रदर्शनमा आएको बलिउड फिल्म ‘साथिया’का सहायक भूमिकामा थिए । उनलाई यही फिल्मले स्थापित गराएको हो ।

उनले ‘सिंघम रिटन्स’, ‘प्रेम रतन धन पायो’, ‘दबङ ३’, ‘मट्रो इन दिनो’ लगायतका फिल्ममा सहायक भूमिका निर्वाह गरेका छन् ।

‘सुद दुःख’ भने उनको दोस्रो नेपाली फिल्म हो । उनले पहिलो पटक स्व. नायक श्रीकृष्ण श्रेष्ठ स्टारर फिल्म ‘कोहिनूर’मा समेत अभिनय गरेका थिए ।

यो फिल्मको छायाङ्कन फागुन पहिलो साताबाट सुरु गर्ने योजनामा नीता रहेकी हुन् । अहिले यो फिल्मका कलाकार र प्राविधिक चयनको काम भइरहेको छ ।

केही दिनअघि मात्रै यस फिल्ममा नायिका विपना थापा अनुबन्ध भएकी थिइन् । यसअघि नै मिथिला शर्मा र मदनकृष्ण श्रेष्ठलाई फिल्ममा अनुबन्ध भइसकेका छन् । निर्माण पक्षले अन्य कलाकारबारे केही जानकारी दिएको छैन ।

नीता फिल्म्सको ब्यानरमा बन्ने यो फिल्मको प्रदर्शन मिति ०८३ सालको फूलपातीलाई तोकिएको छ ।