काठमाडौं– बुधबार नेपाल स्टक एक्सचेञ्ज (नेप्से)मा भएको शेयर कारोबारमा कुल शेयर कारोबार भएका कम्पनीमध्ये १३८ वटा कम्पनीको शेयर मूल्य घटेको छ भने ११२ वटा कम्पनीको शेयर मूल्य बढेको छ ।

बुधबार नेप्सेमा सात अर्ब ६३ करोड १३ लाख ७५ हजार रुपैयाँ बराबरको कारोबार हुँदा अधिकांश कम्पनीको शेयर मूल्यमा गिरावट आउँदा नेप्से १.९४ अंकले घटेको छ । आजको कारोबारसँगै नेप्से परिसूचक २८३६.३५ अंकमा पुगेको हो ।

आज नेप्सेमा भएको शेयर कारोबारमा विन नेपाल लघुवित्तको शेयर बिक्रीकर्ताले सबैभन्दा धेरै नाफा आर्जन गरेका छन् भने थ्री स्टार हाइड्रोपावरको शेयर बिक्रीकर्ताले सबैभन्दा धेरै गुमाए ।

बुधबार नेप्सेमा अधिकांश कम्पनीको शेयर मूल्यमा गिरावट आउँदा लगानी, लघुवित्त र अन्य समूह बाहेक अरु समूहको सूचक पनि राताम्य बनेको छ ।