काठमाडौं– नेपालका ब्याडमिन्टन खेलाडी प्रिन्स दाहालले जुनियर तर्फको विश्व वरियतामा सुधार गर्दै ३९ औं स्थानमा उक्लिएका छन् ।
विश्व व्याडमिन्टन संघले मंगलबार सार्वजनिक गरेको नयाँ वरियता अनुसार प्रिन्स १५ स्थान सुधार गर्दै ३९ स्थानमा पुग्न सफल भएका हुन् ।
यसअघि उनको बरियताक्रम ५४ औं स्थानमा थियो । यो नै नेपाली खेलाडीको जुनियरतर्फको अहिलेसम्मको माथिल्लो वरियता हो ।
उनले दुबई जुनियरमा देखाएको प्रदर्शनका आधारमा उनको बरियता स्थानमा सुधार आएको हो । उनले केही समय अघि यु–१९ दुबई इन्टरनेसनल सिरिज २०१९ मा स्वर्ण पदक जितेका थिए ।
प्रतिक्रिया