काठमाडौं– नेकपा (बहुमत) का महासचिव धर्मेन्द्र बस्तोलाले आफ्नो पार्टी फुट्न लागेको हल्ला निराधार भएको बताएका छन् ।

राजधानीको संवाद डबलीमा मंगलबार पत्रकार सम्मेलन गर्दै बास्तोलाले भ्रष्टाचार र कुशासनविरुद्ध आफ्नो पार्टीले संघर्षलाई तीब्रता दिनेसमेत बताए ।

पार्टीको नवौं केन्द्रीय समितिको तेस्रो बैठकले गरेका निर्णयहरु सार्वजनिक गर्दै बास्तोलाले संसदमुखी राजनैतिक पार्टीहरुमा गम्भीर समस्या देखिन थालेको बताए ।

देशको राजनैतिक व्यवस्था र जनताबीच चरम अन्तरविरोध पैदा भएको बताउँदै बास्तोलाले भने, ‘यो अवस्थामा स्वाधीन संयुक्त सरकार गठनका लागि तेस्रो जनआन्दोलनको तयारी गर्ने निर्णय बैठकले गरेको छ ।’

तपार्इँको पार्टी फुटको संघारमा पुगेको हो ? भन्ने प्रश्नमा बास्तोलाले भने, ‘पार्टी जीवनमा बहस, छलफल हुनु स्वभाविक हो, त्यसलाई ठूलो मान्नु हुँदैन, हामी एकताबद्ध छौं ।’

यो पनि–