काठमाडौं- ताइवानको राष्ट्रिय प्रतिरक्षा मन्त्रालयले आफ्नो क्षेत्र आसपास चिनियाँ सैन्य गतिविधिमा उल्लेखनीय वृद्धि भएको जनाएको छ । मन्त्रालयका अनुसार पछिल्लो समय चिनियाँ जनमुक्ति सेनाका २६ वटा लडाकु विमान, ७ वटा नौसैनिक युद्धपोत र एक पानी जहाज ताइवान वरपर देखिएका छन् ।

यीमध्ये २४ वटा विमानले मध्यरेखा पार गरी ताइवानको उत्तरी र दक्षिणपश्चिमी वायु रक्षा पहिचान क्षेत्रमा प्रवेश गरेका थिए । मन्त्रालयले सामाजिक सञ्जाल एक्समा पोस्ट गर्दै यी गतिविधिको निगरानी गरेको र उपयुक्त प्रतिक्रिया दिएको बताएको छ ।

ताइवान आसपास हालैका महिनाहरूमा चिनियाँ सैन्य गतिविधिमा वृद्धि भएको छ । गत अप्रिल महिनामा चीनका ७० विमान र १५ युद्धपोतको गतिविधि रेकर्ड गरिएको थियो ।