काठमाडौं – भारतविरुद्धको पाँचौँ तथा अन्तिम टेस्टमा इंग्ल्यान्ड जितको नजिक पुगेको छ। ओभलमा जारी टेस्टको अन्तिम दिनको खेल बाँकी रहँदा इंग्ल्यान्डलाई जितका लागि ३५ रन आवस्यक छ। भारतले जित्ने भए ३५ रन नपुग्दै चार विकेट लिनुपर्नेछ।
इंग्ल्यान्डका जेमी ओभरटन शून्य तथा जेमी स्मिथ दुई रनबाट अन्तिम दिनको खेल सुरु गर्नेछन्। ३७४ रनको लक्ष्य पाएको इंग्ल्यान्डले ६ विकेटको क्षतिमा ३३९ रन जोडेको छ।
घरेलु टोलीका लागि जोए रुटले १०५ तथा हेरी ब्रुकले १११ रन जोडे। ब्रुकले ९१ बलमा नै शतक प्रहार गरे। रुटको भने यो ३९ औँ टेस्ट शतक हो। भारतका प्रसिद्ध कृष्णले ३ विकेट लिएका छन्।
प्रतिक्रिया