काठमाडौं – कवि उपेन्द्र सुब्बाको निर्देशन बनेको फिल्म ‘जारी २’ मा असोज ३ मा प्रदर्शनमा आउने भएको छ ।

फिल्म निर्माता कम्पनी बासुरी फिल्मस्ले शुक्रबार तीन पोस्टर सार्वजनिक गरी प्रदर्शन मितिबारे जानकारी दिएको हो ।

‘जारी २’ हिट फिल्म ‘जारी’को सिक्वेल भएकाले यसलाई प्रतीक्षितको मानिएको छ ।

गत असार पहिलो साता यस फिल्मको छायाङ्कन सकिएको हो । छायाङ्कन सकिएपछि फिल्मका कलाकारहरुले ‘दशैंमा भेटौला’ भन्ने स्ट्याटस राखेका थिए ।

यस पनि दर्शकमा यो फिल्मको कहिले प्रदर्शनमा आउँला भन्ने कौतुहलता देखिएको थियो ।

सार्वजिनक पोस्टरमा फिल्मका शीर्ष कलाकार दयाहाङ राई र मिरुना मगर केन्द्रित रहेका छन् । दुई पोस्टरमा मिरुना र दयाहाङलाई मात्रै फिचर्ड गरिएको छ ।

एक पोस्टरमा दयाहाङ र मिरुनासहित विजय बराल र बुद्धि तामाङ फिचर्ड गरिएको छ ।

यस फिल्म लेखक निर्देशक सुब्बा आफैँ हुन् । फिल्ममा निर्देशक रामबाबु गुरुङ, मधु मिजार र जीवन गुरुङको लगानी रहेको छ ।