काठमाडौं– यूएई–इण्डिया कम्प्रिहेन्सिभ इकोनोमिक पार्टनरसिप (यूएई–इण्डिया सेपा) काउन्सिल र बनारस हिन्दू विश्वविद्यालयबीच साझेदारी सम्झौतामा हस्ताक्षर भएको छ । द्विपक्षीय शिक्षा सहकार्य अभिवृद्धि गर्न तथा संस्थागत सम्बन्ध विस्तार गर्ने विषयमा दुई संस्थाबीच सम्झौता भएको हो ।

काउन्सिलका निर्देशक अहमद अल्जनेइबीले यस साझेदारीले बनारस हिन्दू विश्वविद्यालयका विद्यार्थीमा गहिरो साझेदारी र स्टार्टअप इकोसिस्टम विकास हुने अपेक्षा गरिएको बताए । भारतीय समाचार संस्था एएनआईका अनुसार हाल काउन्सिलले स्वास्थ्य सेवा, प्रविधि, कृषि, वित्तजस्ता क्षेत्रमा काम गरिरहेको छ ।

यस सम्झौतासँगै विश्वविद्यालयका विद्यार्थीले स्थापना गर्ने स्टार्टअपलाई मध्यपूर्वको बजारमा पहुँच पु¥याउन सहयोग मिल्ने अपेक्षा गरिएको छ । यस सम्झौतालाई यूएई र भारतबीच द्विपक्षीय साझेदारी बढ्दै गएको अर्थमा विश्लेषण गरिएको छ ।