चितवन- राप्ती नगरपालिका-१ स्थित लोथर पुल नजिकैबाट प्रहरीले ६ सय ७१ किलो ६ सय ग्राम लागूऔषध गाँजा सहित एकजनालाई पक्राउ गरेको छ ।
भारत बिहार पूर्वी चम्पारण तुर्कालिया घर भएका ३७ वर्षीय शेख सबिलख्तरलाई शनिबार बिहान पक्राउ गरिएको जिल्ला प्रहरी कार्यालय चितवनले जनाएको छ ।
चितवनबाट मकवानपुरतर्फ जाँदै गरेको युपी ८२ टी ३९२१ नम्बरको ट्रकलाई जाँच गर्ने क्रममा ड्राइभर क्याबिनको माथिको भागमा फल्स बटन बनाई लुकाई छिपाई राखेको ४३ वटा पोकाबाट उक्त परिमाणको गाँजा फेला पारी चालक सबिलख्तरलाई पक्राउ गरिएको बताइएको छ ।
प्रतिक्रिया