काठमाडौं– पाकिस्तानको संघीय राजधानी इस्लामावादमा आपराधिक घटना बढ्दै गएको पाइएको छ । इस्लामावाद शहरमा सवारी साधन चोरीका घटनामा वृद्धि भएको देखिएको छ ।

पछिल्लो एक सातामा इस्लामावादमा ४० वटा सवारी साधन चोरी भएको छ । बिजनेस रेकर्डरले संकलन गरेको तथ्यांक अनुसार इस्लामावादमा पछिल्लो एक सातामा ६१ वटा आपराधिक घटना भएका छन् ।

यसमा ३१ वटा मोटरसाइकल चोरी, ९ वटा कार चोरी, ११ वटा डकैती र ११ वटा मोबाइल र पैसा चोरीका घटना भएका छन् । खासगरी इस्लामावादको औद्योगिक क्षेत्र, गोलरा, मारगल्ला, शालिमार, शहजाद टाउन र शम्स कोलोनीजस्ता क्षेत्रमा यस्ता घटना धेरै भएका छन् ।

हालै इस्लामावादको रम्ना प्रहरी वृत्तमा अज्ञात लुटेराको एउटा समूहले घरमा प्रवेश गरी लुटपाट गरेको थियो । परिवारले प्रतिकार गरेपछि घटनामा एक जना लुटेरा घाइते भएका छन् ।

त्यसको बदलामा लुटेराले घरमा जथाभावी गोली प्रहार गरेका थिए । घटनापछि उक्त परिवारले प्रहरीमा उजुरी दिएको छ ।