काठमाडौं– सपोर्ट लघुवित्त वित्तीय संस्था लिमिटेडले गत आर्थिक वर्ष २०८१-८२ को वित्तीय विवरण सार्वजनिक गरेको छ । लघुवित्तले सार्वजनिक गरेको अपरिस्कृत वित्तीय विवरणमा खुद नाफा १४० प्रतिशतले वृद्धि देखिएको छ । 

गत आवको चौथो त्रैमाससम्ममा लघुवित्तको खुद नाफा १४०.६३ प्रतिशतले बढेर ५ करोड ११ लाख ९८ हजार रुपैयाँ पुगेको छ । गत आवमा भने उक्त नाफा २ करोड १२ लाख ७७ हजार रुपैयाँ मात्र थियो । 

लघुवित्तको खुद नाफा र सञ्चालन मुनाफा बढेसँगै लघुवित्तको खुद नाफा बढेको हो । लघुवित्तको गत आवमा बैंकको खुद ब्याज आम्दानी ६२.९७ प्रतिशतले बढेर १३ करोड ५२ लाख ६० हजार रुपैयाँ र अन्य सञ्चालन आम्दानी २७.५५ प्रतिशतले बढेर २ करोड ७४ लाख २७ हजार रुपैयाँ पुगेको छट । 

लघुवित्तको नाफासँगै लघुवित्तको प्रतिशेयर आम्दानी २४ रुपैयाँ ४४ पैसा बढेर ४१ रुपैयाँ ८१ पैसा पुगेको छ भने मूल्य आम्दानी अनुपात (पिइ रेसियो) ५५.२२ गुणा रहेको छ । कम्पनीको प्रतिशेयर नेटवर्थ २०.०७ प्रतिशतले बढेर १६९ रुपैयाँ ६२ पैसा रहेको छ ।

लघुवित्तको चुक्ता पुँजी १२ करोड २४ लाख रुपैयाँ र हुँदा जगेडा कोषमा ८ करोड ५२ लाख रुपैयाँ सञ्चित रहेको वित्तिय विवरणमा उल्लेख छ । गत आवमा लघुवित्तले १ अर्ब ३३ करोड ४९ लाख रुपैयाँ सापटी तथा ४६ करोड १५ लाख रुपैयाँ निक्षेप संकलन गरी १ अर्ब ९२ करोड ९१ लाख रुपैयाँ कर्जा लगानी गरेको छ ।