काठमाडौं– बुधबार पनि शेयर बजार बढेर बन्द भएको छ । बजार बन्द हुँदा नेपाल स्टक एक्सचेन्ज (नेप्से) ५.१७ अंकले बढेर २९७८.८८ विन्दुमा पुगेको छ । 

१९ अर्ब ५७ करोड ५२ लाख ७० हजार रुपैयाँ बराबरको ४ करोड ४८ लाख ६६ हजार १५९ कित्ता शेयर कारोबार भएको छ । बजार बन्द हुँदा ९८ वटा कम्पनीको शेयर मूल्य बढेको छ भने १५२ वटा कम्पनीको शेयर मूल्य घटेको छ । कुनैपनि कम्पनीको शेयर मूल्य भने स्थिर छैन । 

यस्तै ३१९ वटा कम्पनी कारोबार हुँदा १ लाख ७० हजार ३८१ पटक शेयर किनबेच भएको छ । १३ समूहमध्ये ७ समूह बढेको छ भने ६ समूह घटेको छ । सबैभन्दा बढी फाइनान्स समूह ३.२३ प्रतिशतले बढेको छ भने सबैभन्दा कम म्युचुअल फण्ड समूह ०.१५ प्रतिशतले बढेको छ । 

सबैभन्दा बढी होटल तथा पर्यटन १.१० प्रतिशतले घटेको छ भने सबैभन्दा कम वाणिज्य बैंक समूह ०.२५ प्रतिशतले घटेको छ ।