काठमाडौं– दक्षिण एशियाका लागि बेलायतकी व्यापार उपायुक्त एन्ना शोटबोल्टले भारत र बेलायतबीचको स्वतन्त्र व्यापार सम्झौताले दुबै मुलुकलाई लाभ मिलेको बताएकी छिन् । राजधानी नयाँ दिल्लीमा आयोजित एक कार्यक्रममा उनले स्वतन्त्र व्यापार सम्झौताबाट दुबै मुलुकको अर्थतन्त्रमा सकारात्मक परिवर्तन आएको बताएकी हुन् ।

उनले यस सम्झौताबाट दुई मुलुकबीचको व्यापार हरेक वर्ष २५ अर्ब ५० करोड युरोले बढ्ने बताइन् । भारतीय समाचार संस्था एएनआईका अनुसार सम्झौतामा द्विपक्षीय व्यापारमा भारी भन्सार महशुल कटौतीको व्यवस्था रहेको उनले बताइन् ।

उनका अनुसार सम्झौतामा दुई मुलुकबीच कारोबार हुने ९० प्रतिशत वस्तु तथा सेवामा भन्सार शुल्क कटौतीको व्यवस्था गरिएको छ । उनले यस सम्झौतामा बौद्धिक सम्पत्तिको संरक्षणजस्ता विषय पनि समावेश रहेकाले यसले सिर्जनशील कम्पनीलाई पनि लाभ मिल्ने बताइन् ।

तीन वर्षको वार्तापछि गत मे ६ मा भारत र बेलायतबीच स्वतन्त्र व्यापार सम्झौतामा हस्ताक्षर भएको थियो । यसलाई भारतले हस्ताक्षर गरेको महत्वपूर्ण व्यापार सम्झौता मानिन्छ ।