काठमाडौं– स्वास्थ्य तथा जनसंख्या मन्त्रालय वा अन्तर्गतका निकायहरूमा ग्लोबल फन्ड ग्रान्ट साइकल (जीसीसेभेन) अन्तर्गत कार्यक्रम सञ्चालनका लागि मागिएका कर्मचारीको परीक्षा तालिका सार्वजनिक गरिएको छ ।

संक्षिप्त सूचीमा पर्न सफल ८९ जनाको परीक्षा कार्यक्रम साउन ८ गते बिहान ९ बजे हुने मन्त्रालयले जनाएको छ । परीक्षा केन्द्रमा बिहान ८ बजे नै आइपुग्नुपर्ने सूचनामा उल्लेख छ । परियोजना निर्देशकका लागि १७ जना परीक्षामा सहभागी हुँदै छन् भने कार्यक्रम संयोजकका लागि ७२ जना सहभागी हुने जनाइएको छ । 

मन्त्रालयका अनुसार सूचीकृत उम्मेदवारहरूले दरखास्त फारम भर्दा पेस गरेका कागजातहरू सक्कल कागजात लिई सहभागी हुनुपर्ने छ ।

यद्यपि अनलाइन फारम भर्दाको बखत पेस गरेका कागजातहरू सक्कल कागजातसँग भिडान हुन नसके उम्मेदवारहरू परीक्षामा सहभागी हुन नपाउने पदपूर्ति समितिका सचिवालय सदस्य सचिव मित्र प्रसाद घिमिरेद्वारा जारी सूचनामा उल्लेख गरिएको छ ।

यस्तो छ परीक्षा तालिका :