६ करोड ४५ लाख शेयरमा ठगी गरेको आरोपमा लगानीकर्ता अग्रवाल पक्राउ

५ श्रावण २०८२, सोमबार

पढ्न लाग्ने समय : < 1 मिनेट

काठमाडौं– शेयर लगानीकर्ता दीपेन्द्र अग्रवाल पक्राउ परेका छन् । ठगी गरेको आरोपमा अग्रवाल पक्राउ परेका हुन् ।

प्रहरी वृत्त महाराजगन्जका प्रवक्ता अपिल बोहोराका अनुसार अग्रवाललाई ६ करोड ४५ लाख रुपैयाँ ठगी गरेको आरोपमा प्रहरीले पक्राउ गरेको हो ।

‘उनलाई ठगी र अपराधी केसमा पक्राउ गरेको हो’, बोहोराले भने, ‘शेयरको ठगी तथा अपराधी विश्वास घातमा पक्राउ परेको हो ।’

अग्रवाललाई उजुरीका आधारमा पक्राउ परेको बोहोराले जानकारी दिएका छन् । अग्रवालविरुद्ध थप अनुसन्धान भइरहेको प्रहरीले जनाएको छ ।

प्रकाशित मिति : ५ श्रावण २०८२, सोमबार २ : ५५ बजे

प्रतिक्रिया