काठमाडौं– रुसको सुदूरपूर्वी भूभागमा भूकम्पको धक्का महसुस गरिएको छ । जर्मन भूविज्ञान शोध केन्द्रका अनुसार आइतबार रुसको सुदूरपूर्वी कामचट्का प्रायद्विपमा भूकम्पका केही शक्तिशाली धक्का महसुस गरिएको हो ।
शुरुपमा १० किलोमिटर गहिराइलाई केन्द्रविन्दु बनाउँदै ६ म्याग्निच्युडको भूकम्प गएको जर्मन शोध केन्द्रले उल्लेख गरेको छ ।
समाचार संस्था रोयटर्सका अनुसार त्यसलगत्तै प्रशान्त महासागरको तटनजिकै ७.४ म्याग्निच्युडको अर्को भूकम्प पनि गएको थियो । यसको केन्द्रविन्दु पनि जमिनबाट १० किलोमिटर गहिराइमा रहेको जनाइएको छ ।
भूकम्पसँगै अमेरिकाको राष्ट्रिय सुनामी चेतावनी केन्द्रले रुसका केही भूभाग र हवाई राज्यमा सुनामीको चेतावनी जारी गरेको छ ।
प्रतिक्रिया