काठमाडौं – कमेडी च्याम्पियन सिजन ३ का विजेता सुनील खड्काले पुरस्कार राशीकाे कार अझै पाएका छैनन् ।

वि.सं. २०८१ को असारमा विजेता खड्काले एक वर्ष पूरा भइसक्दा पनि पुरस्कारको गाडी नपाएका हुन् ।

कमेडी च्याम्पियनका निर्देशक तथा निर्माताका दाबीअनुसार विजेता घोषित भएको एक महिनाभित्रै उनले कार पाउनुपर्ने थियो ।

भण्डारीले कार नपाउनुको कारणबारे खबरहबसँग सेयर गरेका छन् । यस शोको निर्माता कम्पनी थ्री प्रोडक्सन प्रालि आर्थिक विषयमा साझेदारको मनमुटाव परेकाले पुरस्कारको गाडी वितरणमा समस्या भएको हो ।

कम्पनीका ३० प्रतिशत सेयर धनीले आफूलाई आर्थिक विषयमा तनाव दिएकाले यो अवस्था सिर्जना भएको भण्डारीको दाबी छ ।

उनले प्रतिवद्धाता दिए, ‘जे जस्तो समस्या भए पनि म चाँडै पाउनु हुन्छ । म यो विषयमा लागिरहेको छु । विजेताले चाँडै कार पाउनुहुन्छ ।’

भण्डारीले आइतबार बिहान साझेदारीको विवादबारे फेसबुकबाट दर्शकलाई जानकारी दिएका छन् ।

सम्बन्धित समाचार : सेयर होल्डरबाट ‘आजित’ भएका भण्डारीले सम्झिए प्रधानमन्त्रीलाई