काठमाडौं– ज्योति विकास बैंकले सूचना सुरक्षा व्यवस्थापन प्रणालीमा अन्तर्राष्ट्रिय मान्यता प्राप्त ‘आईएसओ २७००१:२०२२’ प्रमाणपत्र प्राप्त गरेको छ । 

सँगै यो प्रमाणपत्र प्राप्त गर्ने नेपालको पहिलो विकास बैंकको रूपमा ज्योति विकास बैंकले ऐतिहासिक उपलब्धि हासिल गरेको हो ।

अन्तर्राष्ट्रिय सर्टिफिकेसन संस्था आईएनटीईआरसीईआरटीले प्रदान गरेको यो प्रमाणपत्र सूचना सुरक्षा व्यवस्थापन प्रणालीको लागि अन्तर्राष्ट्रिय सर्टिफिकेशन हो । 

बैंकले मोबाइल बैंकिङ्ग​, कार्ड भुक्तानी सेवा, निक्षेप तथा कर्जा सेवा तथा बैंकको आईटि, मानव संसाधन , डिजिटल बैंकिङ्ग, सामान्य प्रशासन, अपरेसन तथा जोखिम व्यवस्थापनका क्षेत्रमा अन्तर्राष्ट्रिय स्तरको उच्चतम र गुणस्तरीय सूचना सुरक्षा प्रणाली लागू गर्दै आएकाले  आईएनटीईआरसीईआरटीको यस सुरक्षा सर्टिफिकेसन प्राप्त गर्न सफल भ​एको हो ।