काठमाडौं– अमेरिकी राष्ट्रपति डोनाल्ड ट्रम्पले ३० प्रतिशत कर लगाउने नयाँ धम्कीलाई बेवास्ता गर्न ब्रसेल्सले सङ्घर्ष गरिरहेको बेला युरोपेली सङ्घका व्यापार प्रमुखले सोमबार आफ्ना अमेरिकी समकक्षीहरूसँग कुरा गर्ने योजना बनाएको बताए ।

समाचार संस्था एएफपीका अनुसार ईयूका २७ देशहरूको तर्फबाट वार्ताको नेतृत्व गरिरहेका व्यापार आयुक्त मारोस सेफकोभिकले अमेरिकी नेताको धम्कीको बाबजुद पनि, वासिङ्टनसँग वार्ता जारी राख्न तयार रहेको ‘महसुस’ गरेको बताएका हुन् ।

‘म मेरा अमेरिकी समकक्षीहरूसँग फेरि कुरा गर्ने विचारमा छु, किनकि म वास्तविक प्रयास बिना टाढा जाने कल्पना पनि गर्न सक्दिन,’ सेफकोभिकले ब्लकका व्यापार मन्त्रीहरूसामु भने ।

शनिबार ट्रम्पले अगस्ट १ सम्ममा कुनै सम्झौता नभएमा युरोपेली सङ्घमाथि व्यापक कर लगाउने घोषणा गर्दै महिनौंदेखिको कठिन वार्तालाई अवरोधमा पारेका थिए ।