काठमाडौं– नेकपा माओवादी केन्द्रका अध्यक्ष पुष्पकमल दाहाल प्रचण्डले अहिलेको जस्तो कमजोर, लाचार र निरीह सरकार अर्को हुनै नसक्ने बताएका छन् ।  

सोमबार संसद् भवनमा सञ्चारकर्मीसंग कुरा गर्दै प्रचण्डले आफ्नै मन्त्रीको घुस प्रकरणको अडियो सार्वजनिक हुँदा समेत प्रधानमन्त्रीले केही गर्न नसेकेको भन्दै अहिलेको जस्तो कमजोर, लाचार र निरीह सरकार अर्को हुनै नसक्ने बताएका हुन् ।

अहिलेको सरकार कुशासनका लागि गठन भएकाले प्रधानमन्त्रीले मन्त्रीहरूको रक्षा गरेको उनको भनाइ छ । प्रचण्डले मन्त्रीको घुस प्रकरणले देशकै बेइज्जत भएको जिकिर गरे । 

त्यस्तै प्रचण्डले वर्तमान सरकारले १ वर्षमा शान्ति प्रक्रियाका कामलाई अघि बढाउने बाहेक अरु कुनै सम्झन लायक काम नगरेको प्रतिक्रिया दिए ।  

सङ्क्रमणकालीन न्यायसँग सम्बन्धित विषयलाई सहज रूपमा टुङ्गाउनुपर्ने आफूहरू प्रस्ट रहेको उनको भनाइ छ ।