काठमाडौं – वेल्समाथिको ६-१ को सफलतासहित इङ्गल्यान्ड युरो कप महिला फुटबल प्रतियोगिताको क्वार्टर फाइनलमा प्रवेश गरेको छ। जितसहित समूह ‘डी’मा दोस्रो स्थान पाएको इङ्गल्यान्डले क्वार्टर फाइनलमा स्विडेनको सामना गर्ने छ।
१३ औं मिनेटमा जर्जिया स्टानवेको गोलमा अग्रता लिएको इङ्गल्यान्डका लागि २१ औं मिनेटमा इला टोनले गोल गरेकी थिइन्। टोनकै सहयोगमा लाउरेन हेम्प र एलिसिया रुसोले पहिलो हाफमा नै गोल गरेका थिए।
दोस्रो हाफमा एगि विभर जोन्सको सहयोगमा बेथ मेडले गोल गरिन्। वेल्सकी हानन केनले एक गोल गरे पनि खेलको अन्त्यमा जोन्सले नै गोल थपिन्।
प्रतिक्रिया