काठमाडौं– पूर्वप्रधानमन्त्री एवं माओवादी केन्द्रका अध्यक्ष प्रचण्डले पत्नी सीता दाहालको दोस्रो स्मृति दिवसका दिन शुक्रबार रानीवनस्थित मावन सेवा आश्रममा पुगेर आश्रित नागरिकहरुलाई भोजन गराएका छन् ।

रानीवन जानुअघि प्रचण्डले सीताको तस्वीरमा माल्यार्पण गरेका थिए ।

पार्किन्सन रोगका कारण लामो समय थलिएर निधन भएकी पत्नी सीतालाई सम्झँदै प्रचण्डले भनेका छन्,‘मेरो जीवनसाथी तथा नेकपा (माओवादी केन्द्र) की सल्लाहकार कमरेड सीता दाहालको दोस्रो स्मृति दिवसको अवसरमा म कमरेड सीताप्रति भावपूर्ण श्रद्धासुमन अर्पण गर्दछु ।’
उनले अगाडि भने, ‘सीताले परिवर्तन र जनताको पक्षमा निरन्तर संघर्ष गरिरहिन । उनको निष्ठा र आदर्शले हामी सबैलाई जनताको पक्षमा संघर्ष गर्न प्रेरित गरिरहनेछ ।’

मानव सेवा आश्रमका केही तस्बिरहरु–