मोरङ– आफ्नै ६० वर्षीया भाउजुको हत्या गरेको आरोपमा देवर पक्राउ परेका छन् ।

भाउजु  टिकामाया कार्की बस्नेतको हत्या गरेको आरोपमा रतुवामाई नगरपालिका–६ बस्ने ६९ वर्षीय टंकबहादुर बस्नेतलाई प्रहरीले पक्राउ गरेको हो । 

शनिबार रतुवामाई नगरपालिका–६ स्थित आफ्नै बारीमा टिकामाया दिउँसो मृत अवस्थामा फेला परेको घटनाको अनुसन्धानको क्रममा इलाका प्रहरी कार्यालय सिजुवा समेतबाट खटिएको प्रहरीले उक्त कार्यमा संलग्न टंक बहादुरलाई पक्राउ गरेको हो । 

प्रारम्भिक अनुसन्धानको क्रममा टंकबहादुरले आपसी झै–झगडा तथा रिसिवीको कारण हसियाको बिड प्रहार गरी भाउजु टिकामायाको हत्या गरेको खुल्न आएको प्रहरीले जनाएको छ । 

उनी उपर जिल्ला अदालत मोरङबाट ज्यान सम्बन्धी कसूर (कर्तव्य ज्यान) मुद्दामा म्याद थप अनुमति लिई यस सम्बन्धमा प्रहरीले आवश्यक अनुसन्धान गरिरहेको छ ।