काठमाडौं – दक्षिण भारतीय नायक रजनीकान्तको फिल्म ’कुली’मा बलिउड नायक आमिर खानको अभिनय रहने पुष्टि भएको छ ।

‘कुली’मा आमिरको अभिनय रहने चर्चा केही समयअघि हुन थालेको थियो । निर्माण पक्षले यसबारे भने केही जानकारी गराएको थिएन ।

निर्माण पक्षले शुक्रबार बिहान फिल्मको आधिकारिक एक्स खाताबाट एक पोस्टर सार्वजनिक गर्दै फिल्ममा आमिरको अभिनय रहने जानकारी दिएको हो ।

पोस्टरमा आमिर ‘फिट योङ म्यान’को देखिएका छन् । उनले फिल्मा ‘दहा’को भूमिका निर्वाह गरेको पोस्टरमा उल्लेख छ । पोस्टरले सामाजिक सञ्जालमा निकै चर्चा पाएको छ ।

रजनीकान्तको भारतमा फ्यान फलोइङ उच्च छ । ‘आमिर राम्रो स्क्रिप्ट छानेर फिल्म गर्छन्’ भन्ने फ्यानहरुलाई विश्वास छ ।
यी दुईलाई एक साथ पर्दामा हेर्न दर्शक उत्साहित भएको पाइएको छ ।

यस फिल्ममा आमिरले केमियो मात्रै दिएका छन् । उनले केही दिन अघि एक अन्तर्वार्तामा रजनीकान्तको फिल्ममा ‘केमियो’ भूमिकामा आफू रहेको बताएका थिए ।