काठमाडौं- बलिउड नायक रणवीर कपुर स्टारर फिल्म ‘रामायण : पार्ट १’को छायाङ्कन पूरा भएको छ ।

यस फिल्ममा रणवीरले भगवान ‘राम’को भूमिकामा छन् । यस फिल्मलाई उनले ‘महत्त्वपूर्ण प्रोजेक्ट’ बताएका छन् ।

जसका कारण पनि रणवीरका फ्यानहरूले यस फिल्मलाई चासोका साथ प्रतीक्षा गरेको पाइन्छ ।

यो फिल्मको मंगलबार छायाङ्कन पूरा भएको हो । छायाङ्कन सकिएपछि रणवीरसहितका कलाकार फिल्मका तर्फबाट आयोजित बिदाइ कार्यक्रममा सहभागी भएका थिए । त्यहाँ सबै कलाकार र छायाङ्कन टोलीहरू भावुक बन्न पुगे ।

अर्थात्, छायाङ्कनबाट छुट्नुलाई कलाकारहरूले बिछोडकै रूपमा लिएको पाइएको छ । रणवीरले पनि कारुणिक आवाजमा सानो मन्तव्य दिएका थिए । उनले सहकर्मीहरूको कामको खुलेर प्रशंसा पनि गरे ।

फिल्ममा लक्ष्मणको भूमिका निर्वाह गरेका अर्का नायक रवि दुवेले आशु खसाएको देख्न सकिन्छ । छुटिने बेला रणवीर र रविले गरेको अंकलमालले त्यहाँ उपस्थितको ध्यान तानेको थियो ।

उक्त कार्यक्रमको भिडियो अहिले सामाजिक सञ्जालमा भाइरल छ ।

यस फिल्ममा नायिका साई पल्लवीले सीताको, नायक यशले रावणको भूमिकामा, सन्नी देओलले हनुमानको भूमिकामा निर्वाह गरेको बताइएको छ ।

‘रामायण: पार्ट १’ को प्रदर्शन मिति सन् २०२६ मा प्रदर्शनमा आउने बताइएको छ । यसको पार्ट २ पनि निर्माण घोषणा भएको छ । जसको पदर्शनमा मिति सन् २०२७ को दीपावलीलाई तोकिएको छ ।