काठमाडौं– बेरोजगार युवायुवतीहरूलाई आकर्षक तलबको प्रलोभनमा पारी रोजगारीका लागि बुल्गेरिया लैजाने भन्दै लामो समयसम्म झुक्याएर सम्पर्कविहीन भएको आरोपमा एक जना महिला पक्राउ परेकी छन् ।
पक्राउ पर्नेमा स्याङजा घर भई सुर्यविनायक बस्ने ५१ वर्षीया कमला कुमारी केसी रहेकी छन् ।
उनलाई दुई जनाबाट छ लाख ७५ हजार रुपैयाँ लिएको भनी पीडितहरूले दिएको जाहेरी अनुसार काठमाडौं उपत्यका अपराध अनुसन्धान कार्यालयबाट खटेको प्रहरी टोलीले सुर्यविनायकबाट पक्राउ गरेको हो ।
उनलाई थप अनुसन्धान तथा कारबाहीको लागि वैदेशिक रोजगार विभाग ताहाचल, काठमाडौं पठाइएको प्रहरीले जनाएको छ ।
प्रतिक्रिया